Հայ ազգային կոնգրեսի համակիրները բռնության են ենթարկվել

Հայերեն ստեղնաշար (Esc)

ԼՈՒՐԵՐ.net
ԱԶԱՏ ԼՐԱՏՎԱԿԱՆ ՑԱՆՑ

Posted in Քաղաքական եվ հասարակական by azatutyun 253 օր առաջ (http://www.youtube.com)

Հայ ազգային կոնգրեսի` հինգշաբթի օրը կայանալիք հանրահավաքի իրազեկողները նախօրեին բռնության են ենթարկվել:

Կոնգրեսի մամլո խոսնակ Արման Մուսինյանը հինգշաբթի առավոտյան «Ազատություն» ռադիոկայանին պատմեց, որ երեկոյան` ժամը 20:00-ի սահմաններում, իրազեկող խմբի վրա են հարձակվել մի խումբ անհայտ անձինք, որոնցից ոմանք` զինված, փորձել են խլել բարձրախոսը եւ այդ ընթացքում հարվածներ տեղացել Կոնգրեսի համակիրների վրա:

«Արդյունքում, երեք հոգի` Սահակ Մուրադյանը, Հերբերտ Գեւորգյանը եւ Տիգրան Առաքելյանը տեղափոխվել են հիվանդանոց` տարբեր մարմնական վնասվածքներով», - փոխանցեց Մուսինյանը:

«Որեւէ նորություն չկա` հանցագործ վարչախումբ, հանցագործ մեթոդներ, քաղաքական սնանկության դրսեւորում, եւ միակ ձեւը հասարակության, Հայ ազգային կոնգրեսի դեմ պայքարելու` բանդիտական մեթոդներն են», - տեղի ունեցածը այսպես գնահատեց Կոնգրեսի խոսնակը:

«Դիմե՞լ եք իրավապահներին», - այս հարցին Մուսինյանը արձագանքեց. - «Իհարկե, մեր իրավաբանների խումբը անհրաժեշտ փաստաթղթերը կպատրաստի, եւ մենք ընթացք կտանք այս գործին»:

«Կան ե’ւ լուսանկարները, ե’ւ հարձակվողների դեմքերը», - վստահեցրեց Հայ ազգային կոնգրեսի խոսնակը:

Կոնգրեսի գրասենյակից «Ազատություն» ռադիոկայանին տեղեկացրեցին նաեւ, որ այն հիվանդանոցում, որտեղ գտնվում են իրազեկողները, հինգշաբթի օրը մեծ թվով «կարմիր բերետավորներ» կային, ովքեր տուժածների ծնողներին թույլ չէին տալիս տեսակցել իրենց որդիներին:

Կարծիք | Անհետաքրքիր լուրեր |

Tags: հակ հանրահավաք բռնություն All